Almatynyń taýly aýmaǵynda joǵalyp ketken er adam 2 táýlikten keıin tabyldy

ALMATY. QazAqparat –Qutqarýshylary Іle Alataýy taýlarynda joǵalyp ketken er adamdy tapty, dep habarlaıdy QazAqparat tilshisi.

Eki táýlik izdeýden keıin búgin saǵat 15:50-de 1985 jyly týǵan er adam Qumbelsý ózeniniń shatqalynan tabyldy.

«Qutqarýshylar zardap shekken adamdy jaıaý qaýipsiz jolmen Qumbelsý ózeni arqyly ótetin kópirge tasymaldaýda. Ol jerde jedel járdem brıgadasy men Apattar medıtsına ortalyǵynyń qyzmetkerleri kútip tur.Qazirgi ýaqytta er adamnyń jaǵdaıy aýyr. Ony tasymaldaý jumysy táýliktiń qarańǵy mezgiline jáne taý betkeıiniń qaýipti tik bolýyna baılanysty qıyndady. Qutqarý operatsııasyna respýblıkalyq jedel-qutqarý jasaǵynyń 26 qutqarýshysy jumyldyryldy. Qutqarý jumystary shamamen birneshe saǵatqa sozylady»,– delingen habarlamada.

Buǵan deıin, Almaty taýlarynda joǵalyp ketken er adam týraly jazǵan bolatynbyz.