Almatynyń taý shatqaldaryndaǵy kólderdiń qaýiptilik deńgeıi tómendedi - TJM

Bul týraly búgin Parlament Májilisinde ótken Úkimet saǵatynda Tótenshe jaǵdaılar mınıstri Vladımır Bojko osylaı málim etti.

Almaty qalasyndaǵy taý shatqaldarynda ornalasqan 13-i jáne 6-y nómirli kólderdiń tasýyna qatysty ınjenerlik qaýipsizdik sharalary atqarylǵan. «Bir kezderi osy kólderge qatysty aqparattar úlken qoǵamdyq pikir týdyrǵan bolatyn. Osyǵan qatysty aıtarym, naqty ınjenerlik-qorǵanystyq is-sharalar júzege asty. Bizdiń oıymyzsha, Almatydaǵy 6-shy nómirli kólden keletin qaýiptiń beti qaıtty», - dedi mınıstr.

Sonymen qatar, V. Bojko Qorǵas ózenindegi qaýipsizdikti qamtamasyz etýge qatysty keshendi sharalar atqarylyp jatqanyn da málimdedi. «Biz shekara ótindegi Qorǵas ózeni boıynsha aýqymdy sharalar atqarýdamyz. Úlken kóliktik-saýda ınfraqurylymy ornalasqan osy aımaqta biz byltyr 4 myń shaqyrym bıiktiktegi ózennen shamamen 4 mln. tekshe metr muzdaqty taý sýy jınaqtalǵanyn anyqtadyq. Álbette, bul óńirge aıtarlyqtaı qaýip keltiredi. Osyǵan oraı, arnaıy sharalardy qolǵa aldyq. Nátıjesinde bunda da sý basý qaýpi ázirshe joq», - dedi mınıstr.