Almatynyń taý klasterin damytý máseleleri talqylandy
«Úkimet basshysy Almatyda taý klasteri aýmaǵynda týrızmdi damytýǵa erekshe den qoıyp otyr. Bul əlem týrısteriniń qyzyǵýshylyǵyn arttyrýǵa zor múmkindik beredi. Sebebi, óńirde eko, etno, taý shańǵy týrızmi salasynda usynatyn, kórsetetin alýan qyzmet túri jeterlik.
Ótken jyly «Іle-Alataý» ulttyq tabıǵı parkin damytýǵa arnalǵan jol kartasyna qol qoıyldy. Nətıjesinde ınvestor tabylyp, Aıýsaı shatqalynda sapar ortalyǵynyń qúrylysy júrip jatyr. Dəl osyndaı joba «Kólsaı kólderi», «Altyn emel» ulttyq tabıǵı parki aýmaǵyna qyzyǵýshylyq tanytqan ınvestorlarmen de talqylandy», - dedi mınıstr.
Sonymen qatar Aqtoty Raıymqulova tez arada halyqaralyq təjirıbege nazar aýdaryp, meńgerýdiń, ekotýrızm boıynsha sapar ortalyǵy, eko-qonaq úı, kempıng, glempıng qurylysyna qatysty standarttar daıyndaýdyń mańyzdy ekenin atap ótti. Taǵy memlekettik ulttyq tabıǵı parkterge kelip-ketýshiler esebin júrgizetin ədisteme daıyndaý keregin aıtyp, bıoalýandyqty saqtaý, tabıǵatqa, ekologııaǵa zııan kertirmeý qajettigine toqtaldy.
QR Mádenıet jáne sport mınıstrliginiń málimetinshe, basqosý barysynda jobalyq keńseniń osy ýaqytqa deıingi jumysy qorytyndylandy. Bir jyl ishinde keńse Almaty taý klasterin damytý boıynsha birqatar jobany júzege asyryp, kelissóz jumysyn júrgizip, monıtorıngpen aınalysty. Onyń ishinde ulttyq parkterde ekotýrızmdi damytý, «Oı-Qaraǵaı Lesnaıa skazka» men «Aq-bulaq» jobasy bar.
Keńse Shveıtsarııanyń standartyn eskere otyryp, taý shatqaly joldaryn júıeleý boıynsha ədisteme zerttelip, tıis usynystar daıyndalyp jatyr. Qazir gıd-jol nusqaýshy jəne tsıfrlandyrýǵa basymdyq berilip otyr. Aldaǵy ýaqytta «Gıd-jol nusqaýshy mərtebesi», «Reındjer», «Taý týrızmi boıynsha nusqaýshy», «Alpınızm boıynsha nusqaýshy» atty jańa uǵymdar engizý, gıd-nusqaýshylar reestrin qurý josparda bar.
Tsıfrlandyrý aıasynda nysandarda beıne baqylaý júıesin, taýly jerde shuǵyl shaqyrý túımesin engizý qarastyrylǵan. Atalǵan jumys Qazaqtelekom, əkimdik jəne Sergek komandamen birge iske asady. Sonymen qosa Kazakh Alpin Club-pen birlesip qutqarý pýnktterin salý josparlanǵan.
Aıta keterligi, ótken jyldyń sońynda QR Premer-Mınıstri Asqar Mamınniń tapsyrmasymen Kazakh Tourism kompanııasy, Almaty qalasy men oblys əkimdiginiń janynan Almatyda taý klasterin damytý boıynsha birikken jobalyq keńse qurylǵan edi. Bıyl qarashadan bastap bul bastamany mekemearalyq kelisimge qosylǵan Ekologııa, geologııa tabıǵı resýrstar mınıstrligi qoldap, ər tabıǵı parkten ókil taǵaıyndady.
