Almatynyń taý bókterinen órt shyqty
ALMATY. QazAqparat – Qalada otshashý uıymdastyrý saldarynan taý bókterinen órt shyqty, dep habarlaıdy QazAqparat.
Almaty qalasynyń Tótenshe jaǵdaılar departamentiniń habarlaýynsha, órt 21 tamyz kúni qaladaǵy Dýlatı kóshesinde, ekokópirden joǵary ornalasqan Almaarasan shatqalynda oryn alǵan.
«Oqıǵa ornyna Almaty qalalyq Tótenshe jaǵdaılar departamenti tabıǵı órtti sóndirý jasaǵy, sondaı-aq Іle Alataýy Ulttyq saıabaǵynyń qyzmetkerleri jiberildi. Taý bókteriniń bıik bolý sebepti órt sóndirýshiler órt oshaǵyna jaıaý bardy. Oqıǵa ornyna kelip jetkende, ondaǵy qýraǵan shóp, buta órtenip jatqany anyqtaldy.
Qoldanǵan sharalardyń arqasynda jalyn bir saǵatqa jetpeı, ıaǵnı saǵat 20:54-te sóndirildi, órt 5 sharshy metr aýmaqqa taraǵan.
Onymen kúres jumystaryna Іle Alataýy Ulttyq saıabaǵynyń 24 qyzmetkeri, 4 tehnıka birligi, TJD jeke quramynyń 25 qyzmetkeri men 5 tehnıkasy jumyldyrylǵan.
Kýágerlerdiń aıtýynsha, órttiń shyǵýyna bir top demalýshynyń otshashý uıymdastyrýy sebep bolýy ábden múmkin. Olar oqıǵa ornynan qashyp ketken.
«Órt bolǵan orynnan birneshe shaqyrym jerde salıýt jiberilgeni baıqaldy, oqıǵa ornyna TJD men Ulttyq saıabaqtyń qyzmetkerleri jiberildi. QR Ákimshilik quqyqbuzýshylyqtar týraly kodeksiniń 367-babynyń 3-bólimine sáıkes, erekshe qorǵalatyn tabıǵı aýmaqtarda órt qaýipsizdigi erejeleriniń talaptaryn buzǵany úshin 35 jastaǵy er adam 100 AEK ( 291 700 teńge) kóleminde aıyppul tóleý túrindegi ákimshilik jaýapkershilikke tartyldy», - dep túsindirdi qalalyq TJD-dan.
