Almatynyń taý bókterinde salynyp jatqan elıtaly úıdiń bir qabaty buzylady
«Salynyp jatqan Pine Hill turǵyn úı kesheniniń úshinshi qabaty sot sheshimimen buzylady.
Ermensaı shaǵynaýdanynda 7-inshi tuıyq kóshe, 8/1 ýchaskesinde salynyp jatqan nysandy tekserý kezinde qurylys salýshy turǵyn úıdiń úshinshi qabatyn zańsyz salyp jatqany anyqtaldy. Ruqsat qujaty tek 2 qabatqa berilgen», - delingen usynylǵan habarlamada.
Málim etilgendeı, ótken jyldyń qarasha aıynda Almaty ákimdiginiń basqarmasy úshinshi qabatty buzý týraly sotqa aryz túsirgen. Alaıda, sot aryzdy qanaǵattandyrýdan bas tartqan. Basqarma apellıatsııalyq shaǵym bergen.
«Apellıatsııalyq shaǵym qanaǵattandyryldy. Úshinshi qabatty buzý týraly sot sheshimi zańdy kúshine endi jáne Ádilet departamentiniń oryndaýyna berildi», - delingen ákimdik málimetinde.
Eske salaıyq, endi almatylyqtar salynyp jatqan turǵyn uı nysandarynyń zańdylyǵy týraly Qala qurylysyn baqylaý basqarmasynyń telefon nómiri arqyly bile alady.
Al bıylǵy 1 tamyzdan bastap megapolıste sáýlet-qurylys salasyndaǵy olqylyqtardy rettep otyratyn Qala qurylysy keńesi qurylady. Ol ákimdik janynda jumys isteıdi.
