Almatynyń taǵy eki kóshesine avtobýsqa arnalǵan jolaqtar engizedi
ALMATY. QazAqparat - Qalalyq jolaýshylar jáne avtokólik joldary basqarmasy Jeltoqsan men Naýryzbaı kóshelerine arnaıy avtokólik jolaqtaryn júrgizý jumysynyń aıaqtalǵanyn habarlaıdy.
Bul joldardyń bir baǵytqa arnalǵan uzyndyǵy 3,2 jáne 3,6 km quraıdy.
Jol júrý jolaqtary qala turǵyndarynyń ıgiligine, dittegen jerlerine esh kedergisiz jetýge jáne joldardyń uzaqtyǵyn qysqartsa, Jeltoqsan men Naýryzbaı jáne Raıymbek pen Abaı dańǵylynda jol qozǵalysyn jaqsartady.
Aıta ketsek, mundaı jolaqtar alǵash 2015 jyly Abaı dańǵyly men Shyǵys aınalma jolynda synaqtan ótken bolatyn. Qazirgi tańda, ol jerlerde jol qozǵalysy jaqsaryp, tıimdiligin kórsetýde.
Jeltoqsan men Naýryzbaı kóshelerindegi jolaqtar, 10 tamyzdan bastap paıdalanýǵa beriledi.
