Almatynyń Shymbulaq shyńynda adasyp qalǵan týrıster qutqaryldy

ALMATY. QazAqparat - Almaty qalasynyń qutqarý qyzmetiniń ókilderi Shymbulaq shyńynda adasyp qalǵan týrısterdiń eki tobyn qutqardy, dep habarlaıdy QazAqparat tilshisi.

5 qyrkúıek kúni keshke qaraı Qutqarý qyzmetiniń kezekshi bólimine Shymbulaq shyńynda qalyp qoıǵan týrıster kómek surap habarlasty.

«Qońyraý shalýshylar Medeýdiń joǵarǵy jaǵynda ekendikterin aıtty. Olar qarańǵy túsip ketkendikten, qaıtar joldy tappaı, taýda adasyp ketken. Oqıǵa ornyna bes adamnan turatyn qutqarý toby jiberildi. Tájirbıeli mamandar taýǵa eki baǵyt boıynsha kóterildi», - dep habarlady qutqarý qyzmeti.

Birinshi top meteorologııalyq stantsııaǵa, ekinshi top «Shymbulaq» taý shańǵysy kýrortymen Kombı-2 aımaǵyna kóterildi. Іzdestirý jumystary 2700 jáne 3200 metr bıikte júrgizildi. Qutqarýshylar adasqandardy tańǵy saǵa 04:00-de tapty. Barlyq 7 týrıst qaýipsiz jerge túsirildi. Eshkim zardap shekken joq jáne eshqandaı kómek qajet bolmady.