Almatynyń sholǵynshy polıtsııasy «Quqyq tártibi» sharasyn ótkizý kúnderi kúsheıtilgen jumys tártibine kóshti

dep habarlady Almaty qalalyq ІІD baspasóz qyzmeti.

Shara barysynda sholǵynshy narıadtardyń sany artyp, baǵyttarynyń ornalasýy tyǵyzdaldy. Aıta ketý kerek, kún saıyn Almatyda qoǵamdyq tártipti qorǵaýǵa patrýldik polıtsııa polkiniń 443-ten astam qyzmetkeri, qala boıynsha 130 sholǵynshy kólik, onyń ishinde 7 «Granıt» jyljymaly beketteri jáne osynshama «Mıraj» túngi izdestirý toby qatysady.

«Qylmystyq ahýaldy shıelenistirip almas úshin qoǵamdyq tártipti qamtamasyz etý maqsatynda qosymsha sharalar qoldanylyp otyr. Negizinde, polıtsııanyń barlyq narıadtarynyń sholǵynshylyq baǵyttary qaıta qaralyp, qylmys kóp oryn alatyn ýchaskelerge jaqyndatyldy. Kólik baǵyttary men jaıaý sholǵynshylardyń sany eki esege artty. Azamattardyń demalys qaýipsizdigin qamtamasyz etý úshin adamdar kóp shoǵyrlanǵan jerlerde táýlik boıy jumys isteıtin polıtsııanyń 20 turaqty beketteri ornalastyrylǵan, onda azamattar zańǵa qaıshy is-áreketter faktileri boıynsha táýliktiń kez kelgen ýaqytynda habarlasa alady»,- dep atap ótti Almaty qalasy ІІD Sholǵynshy polıtsııa polkiniń komandıri, polıtsııa podpolkovnıgi Nurjan Nurǵalıev.

Ashylǵan qylmystardyń kópshiligi oqıǵa bolǵan jerge birinshi bolyp jetetin, qylmyskerlerdi izdestirýdiń bastapqy sharasyn uıymdastyratyn jáne kóshe qylmysynyń aldyn alý da sholǵynshy polıtsııanyń úlesinde ekendigi jasyryn emes. Mysalǵa, Almatyda ótken táýlik ishinde 35 qylmys tirkelgen bolatyn. «Іzi sýymaı» ashylǵan 31 qylmystyń 16-sy «Boran» ekıpajynyń tıimdi jumysynyń nátıjesi.

Sonymen, ótken túnde «Boran-151» sholǵynshy ekıpajy óziniń tanysyn zorlaǵan, esh jerde jumys istemeıtin 23-jasar azamatty «izin sýytpaı» qolǵa túsirdi. Tehnıkalyq qyzmet kórsetý stansasy biriniń syrlaýshysynyń nazary túsken «Jıgýlı» avtokóligin aıdap áketý faktisi ashyldy. Buǵan jaqyn ýaqytta «Boran-127» narıadynyń quramy qalanyń ortalyǵynda ornalasqan azyq-túlik dúńgirshegin tonaǵan eki bozbalany qolma-qol quryqqa túsirdi. Aıtqandaı, kúdiktiniń ekeýi de - Almaty oblysynyń ártúrli aýdandarynyń turǵyndary, onyń bireýiniń, tipti, kámeletke jasy tolmaǵan da.

«Aıta ketý kerek, qyzmet kezinde sholǵynshy polıtsııa ókilderi adamdar kóp shoǵyrlanǵan jerlerge jiti nazar aýdarady. Qoǵamdyq tártipti buzǵan, nemese kúdik týdyrǵan adamdardy olardyń jeke basyn anyqtaý úshin aýdan boıynsha ishki ister basqarmalaryna jetkizedi. Bir qýanarlyǵy, jurtshylyq sholǵynshy polıtseıler jumysyn laıyqty baǵalap, olarǵa ózderiniń alǵys sezimderin bildirip turady. Negizinde sholǵynshy polıtseı ishki ister organdarynyń bet beınesi bolyp tabylady, sondyqtan qazir azamattarǵa osy atalmysh qyzmet týraly jaǵymdy beıne qalyptastyrý úshin barlyq tıisti sharalar qoldanylýda»,- dep sózin tujyrymdady podpolkovnık Nurǵalıev.