Almatynyń Seıfýllın dańǵylynda jol jóndeý jumystary bastaldy
ALMATY. QazAqparat- Almatynyń Seıfýllın dańǵylynda jol jóndeý jumystary bastaldy, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, Seıfýllın dańǵyly boıymen Rysqulov dańǵylynan Almaty-1 temirjol vokzalyna deıin uzyndyǵy 5,6 km jol jabynyn ortasha jóndeý jumystary bastaldy, troýarlardyń jeke bólikteri kólik qozǵalysyn shektemeı jóndelýde.
«Seıfýllın dańǵylynyń aldyńǵy ortasha jóndeýi 2010 jyly júrgizilgen. Almatynyń jol-klımattyq aımaǵyn eskere otyryp, Seıfýllın dańǵylyn jóndeý aralyǵy 5 jyl. Osyǵan baılanysty tıisti lıtsenzııasy bar jobalaý uıymynyń ókilderimen tekserý júrgizildi. Zertteý barysynda shuńqyrlar men jaryqtar anyqtaldy. Tehnıkalyq qorytyndy negizinde Seıfýllın dańǵylyn ortasha jóndeý josparyna qosý týraly sheshim qabyldandy»,- dep habarlady basqarmadan.
Vedomstvo ókilderi keltirilgen qolaısyzdyq úshin almatylyqtardan keshirim suraıdy.
Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.
