Almatynyń «Sergek» kameralary qandaı ereje buzý faktilerin tirkeıdi
Polisia.kz saıtynda jarııalanǵan málimetke súıensek, ıntellektýaldy beınebaqylaý júıesi qıylystyń týra aldynda jolaqty qıyp ótseńiz, stor-syzyqtan asyp toqtasańyz, avtobýsqa arnalǵan jolaqpen júrseńiz áreetińizdi túsirip alyp, ereje buzý faktisi retinde tirkeıdi.
«Sondaı-aq, «Sergek» kameralary jyldamdyq rejıminiń asyp ketýin, kólik quraldarynyń baǵdarshamnyń qyzyl sıgnalyna ótýin jáne durys emes jerde toqtaýyn anyqtaıdy», - dep jazady Polisia.kz.
Vedomstvo túsindirmesinde kólik ıelerine joldanatyn elektrondy aıyppul túbirtegine faktini rásimdegen qyzmetker ETsU arqyly qol qoıatyny aıtylǵan.
«Budan ári ereje buzý týraly nusqama kólik ıelerine eki tásilmen – SMS jáne poshta arqyly keledi. Quqyq buzýshy aıyppul týraly habarlama alǵannan keıin 7 kún ishinde somanyń jartysyn tóleı alady. Erikti túrde tólemegen jaǵdaıda, habarlama alǵan sátten bastap 30 kún ótken soń, materıal QR Ákimshilik quqyq buzý týraly kodekstiń 894-baby boıynsha májbúrlep óndirip alýǵa jiberiledi» - deıdi ákimshilik polıtsııa basqarmasynyń bastyǵy Nurlan Amanbek.
Onyń aıtýynsha, ereje buzý faktisiniń hattamasymen Egov.Kz jáne Qamqor.gov.kz. resýrstary arqyly tanyspyz, aıyppuldardy ózińizge yńǵaıly tásilmen tóleýge bolady. Mysaly, elektrondyq úkimet portalyndaǵy onlaın, bankterdiń esep aıyrysý-kassalyq bólimshelerinde, mobıldi qosymshalar arqyly (Kaspi.kz, HalykBank, Kassa24, Handypay, Homebank, Qazposhta, Kolesa) óteýge bolady.
«Aıyppuldan alynǵan qarajattyń bári qala bıýdjetine túsedi», - dep jazady aqparat resýrsy.