Almatynyń Saıran kóline batyp ketken er adam psıhıkalyq naýqas bolǵan
ALMATY. QazAqpara - Almaty qalalyq Polıtsııa departamenti Saıran kóline batyp ketken er adamǵa qatysty túsinik berdi, dep habarlaıdy QazAqparat tilshisi.
Departament aqparatyna sáıkes, onyń jeke bas málimetteri oqıǵa bolǵan kúnniń erteńinde anyqtaldy.
43 jastaǵy azamat Almaty oblysynyń Psıhıkalyq densaýlyq ortalyǵynda esepte turǵan.
Kýágerlerdiń aıtýynsha, ol mas kúıde bolǵan. Basynda er adam qoǵamdyq kólikte qatty daýystap án salǵan, sol úshin avtobýstan túsirilgen. Keıin kól jaǵasynda ersili-qarsyly júgire bastaǵan.
«Bir mezette sýǵa sekirip, tyıym salynǵan aımaqqa deıin júzip barǵan. Onyń denesin bir táýlikten soń qutqarýshylar izdep tapty. Ózimen birge qujattary bolmaǵan. Jeke basy tańǵa jýyq anyqtaldy», – dep habarlady polıtsııa ókilderi.
Aıta keteıik, er adam birinshi maýsymda qaza boldy. Ol tyıym salynǵan belgilerge qaramastan Saıran kóline shomylýǵa kirip, batyp ketken.
