Almatynyń «Saıahat» avtovokzaly aımaǵynda saýda dúkenderi órtendi
ALMATY.QazAqparat- Saıahat avtovokzaly aýmaǵyn qalyń órt sharpydy. Bul týraly Almaty qalalyq tótenshe jaǵdaılar departamentiniń baspasóz qyzmetinen málimdedi, dep habarlaıdy QazAqparat tilshisi.
Almatynyń Jetisý aýdany, Raıymbek dańǵyly men Súıinbaı kóshesi qıylysynda birneshe dúken órtendi. Órt oqıǵasy týraly habar TJD «101» pýltine 14 maýsym kúni saǵat 22:26-da habar kelip túsken.
«Órt sóndirý qyzmeti oqıǵa ornyna 22:35-te jetti. Órt sóndirý kezinde dúken ǵımarattarynan 6 gaz ballony shyǵaryldy, onyń úsheýi 50, úsheýi 25 lıtrlik ballondar. 5 saýda dúkeni men avtovokzal shatyry órtengen. Qutqarýshy top órtti 22:55-te aýyzdyqtap, 28:08 de tolyqtaı sóndirdi»-dedi Almaty qalalyq TJD-niń resmı ókili Sandýǵash Baımuhambetova.
Aldyn ala boljam boıynsha, órtke oranǵan aýmaqtyń jalpy kólemi 150 sharshy metrdi quraıdy. Qurban bolǵandar men zardap shekkender joq. Órt sóndirýge 42 qutqarýshy men 12 tehnıka kúshi jumyldyryldy.
