Almatynyń saýda ortalyqtaryna dezınfektsııalyq týnelder ornatylady
ALMATY. QazAqparat – Almatyda iri saýda úıleri men oıyn-saýyq ortalyqtaryna dezınfektsııalyq týnelder men statsıonarlyq teplovızorlar ornatý usynyldy, dep habarlaıdy QazAqparat tilshisi.
«Birinshi kezeńde jalpy aýmaǵy 500 sharshy metrden asatyn 138 saýda nysany ashylady. Bul – shaǵyn býtıkter, sulýlyq salondary, hımııalyq tazartý qyzmeti men meıramhanalar. Eger barlyq talaptarǵa saı bolatyn bolsa – 25 mamyrdan bastap jumys isteýge ruqsat», - dedi Almaty qalasynyń bas memlekettik sanıtarlyq dárigeri Jandarbek Bekshın onlaın-brıfıng barysynda.
Ekinshi kezeńde fýd-korttardyń jumysy qaralady. Úshinshi kezeńde – kınoteatrlar men oıyn alańdaryn ashý josparda.
«Biz aýdany 2000 sharshy metrden asatyn nysandarǵa dezınfektsııalyq týnelder ornatýdy usynamyz. Al 20 myń sharshy metrden asatyn obektilerge statsıonarlyq teplovızorlar ornatý qajet», - dedi ol.
