Almatynyń «Saryarqa» bazarynda atys boldy
ALMATY. QazAqparat – Almatyda Altynsarın men Ulyqbek kósheleriniń qıylysynda ornalasqan «Saryarqa» bazarynda atys boldy, dep habarlaıdy QazAqparat tilshisi.
Qala turǵyndary tapa tal túste oq atylǵany týraly áleýmettik jelide jarııalady.
«27 mamyrda tapa tal túste «Saryarqa» bazarynda atys boldy. Ol kólik turaǵy úshin bolǵan janjaldan týyndaǵan sııaqty», - delingen habarlamada.
Qalalyq Polıtsııa departamenti baspasóz qyzmetiniń habarlaýynsha, oqıǵa 27 mamyrda túski saǵat 13:00 shamasynda bolǵan.
«102 nómirine habarlama túsken soń jedel tergeý toby oqıǵa ornyna attandy. Bazar kúzetshisi, turaq tólemin qabyldaıtyn qyzmetker men saýda oryndaryn jalǵa alǵan saýdagerler turaq aqysyna qatysty sózge kelip qalǵan. Daýdyń arty janjalǵa ulasyp, oq atylǵan», - dedi PD baspasóz qyzmeti.
Polıtsııa kúdiktilerdi birden ustaǵan.
«Bul derekti Áýezov aýdandyq polıtsııa bólimi QR QK 293-babynyń 3-tarmaǵy boıynsha sotqa deıingi tergeý reestrine tirkedi. Gazben atatyn tapansha tárkilenip alynyp, ballıstıkalyq saraptamaǵa jiberildi. Qylmystyq is aıasynda sot-medıtsınalyq saraptama taǵaıyndaldy. Soǵan sáıkes jaraqat alǵan adamdardyń densaýlyǵyna keltirilgen zııan dárejesi anyqtalatyn bolady», -dedi Polıtsııa departamentiniń baspasóz qyzmeti.
