Almatynyń Saın kóshesindegi jol qozǵalysyna ózgerister engizildi
ALMATY. QazAqparat - Almatynyń Saın kóshesindegi jyldamdyq rejımine ózgerister engizildi, dep habarlaıdy QazAqparat tilshisi.
Búgin saǵat 00: 00-den bastap ál-Farabı dańǵyly men Shyǵys aınalma jolynda 80 km/saǵ jyldamdyq ruqsat etildi. Tek Baǵanashyl yqshamaýdanyndaǵy Hodjanova kóshesine deıin jáne Kishi Jeltoqsan kóshesinde joǵary jyldamdyq saǵatyna 60 shaqyrym sol kúıinde qaldy. Sebebi, bul ýchaskelerde qaýipti burylystar kóp.
«Biz Saın kóshesiniń boıyndaǵy jol jaǵdaıy men apattar deńgeıine qosymsha taldaýlar júrgizdik. Nátıjesinde osy kóshede ruqsat etilgen jyldamdyq shegi 80 shaqyrymǵa deıin ulǵaıtylady. «Jol qozǵalysy qaýipsizdigi» avtomattandyrylǵan aqparattyq júıesiniń kameralary tehnıkalyq qaıta jóndeýden ótkizilip, jumys kúniniń sońyna deıin jol belgileri aýystyrylady», - deıdi Almaty qalalyq PD Ákimshilik polıtsııa basqarmasynyń bastyǵy Jandos Muratalıev.
Sonymen birge, megapolıs polıtsııasy júrgizýshiler men júrginshilerge jol erejelerin saqtaý jáne qala joldaryndaǵy qaýipsizdik sharalaryn eskerý kerektigin aıtty.
