Almatynyń polıtseıleri 32 jastaǵy turǵynnan tapansha tárkiledi
ALMATY. QazAqparat - Almatynyń polıtseıleri 32 jastaǵy turǵynnan travmatıkalyq tapansha tárkiledi, dep habarlaıdy QazAqparat tilshisi qalalyq ІІD baspasóz qyzmetine silteme jasaı otyryp.
«PB-4 OSA» uńǵysyz travmatıkalyq tapanshasyn tártip saqshylary «Esep» sharasynyń alǵashqy kúninde 8-shi shaǵyn aýdandaǵy úılerdiń birinen anyqtaǵan. Er adam atalǵan tapanshany qarý-jaraqtardy turǵyndardan qabyldaýǵa arnalǵan aýqymdy aktsııa kezinde ótkizbegen.
«1985 jyly týǵan B. esimdi turǵyn qarýdy memleket satyp alǵan aýqymdy shara kezinde múmkindikti paıdalanbaǵan, ıaǵnı ol zańdy buzyp otyr. Qarýdy úıinde saqtaǵan turǵynnyń áreketi QR QK 285-baby boıynsha qaralyp otyr. Qarý protsessýaldyq tártip boıynsha alyndy. Osy oraıda, zańsyz saqtalǵan qarýlardy anyqtaýǵa arnalǵan shara bizdiń aýdanda ǵana emes, qala boıynsha júrgizilip jatqanyn eskerte ketkim keledi. Mundaı jaǵdaılar anyqtalǵan ýaqytta kópshiligi qoly bos emes ekenin, zańdy bilmegenin aıtyp aqtalady. Biraq bul syltaý emes. Sebebi, qarýlardy halyqtan qabyldaý naýqany týraly tıisti sharalar bastalǵanǵa deıin de, shara barysynda da barynsha nasıhattaldy», -dedi Áýezov aýdanynyń ІІB basshysy Baqyt Qasabekov.
ІІD baspasóz qyzmetiniń málimetine súıensek, «Esep» jedel sharasy barysynda 2 245 qarý-jaraq ıesi tekserilip, qarýdy saqtaý, tirkeý boıynsha 79 zań buzý faktisi anyqtaldy. 55 qarý tárkilenip, ıeleri ákimshilik jaýapqa tartyldy.
