Almatynyń ortasynda avtokólik aýdarylyp, balalar zardap shekti
ALMATY. QazAqparat - Almatyda kólik aýdarylyp, saldarynan úsh adam zardap shekti, onyń ekeýi — bala, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, jol-kólik oqıǵasy búgin túnde bolǵan.
«Búgin túngi saǵat 00:30 shamasynda «Mazda 626» avtokóliginiń júrgizýshisi Maılın kóshesimen shyǵys baǵytta kele jatyp, Buqtyrma kóshesiniń qıylysynda rólge ıe bola almaı joldan shyǵyp ketti. Nátıjıesinde kólik bordıýrge soǵylyp, aýdarylyp qaldy. Jol-kólik oqıǵasy saldarynan osy kóliktiń úsh jolaýshysy zardap shekti, onyń ekeýi bala «, - dedi Almaty qalasy PD anyqtaý basqarmasynyń bastyǵy Oljas Sháripov.
Zardap shekkender, jaqyn mańdaǵy aýrýhanaǵa jetkizildi.
