Almatynyń Ortalyq stadıonynyń júgirý joldary halyqaralyq deńgeıdegi jarystardy ótkize alady
ALMATY. 12 qazan. QazAqparat /Ádilet Musahaev/ - Jeńil atletıka federatsııasynyń halyqaralyq qaýymdastyǵy (IAAF) Almatynyń Ortalyq stadıonynyń júgirý joldarynyń tóselýi IAAF-tyń barlyq tehnıkalyq talaptaryna saı keledi dep taýyp, joǵary deńgeıdegi jarystardy ótkize alady degen sertıfıkatty tabystady.
Sonymen, Ortalyq stadıonnyń júgirý joly Almatynyń jeńil atletıkadaǵy 2 sanatty nysany bolyp tabylady jáne bul halyqaralyq deńgeıdegi jarystardy ótkizýge ruqsat beredi. Bul - Ortalyq Azııadaǵy osyndaı sertıfıkatqa qol jetkizgen birden bir júgirý alańy.
Álemde mundaı tósenishti eki jol bar. Onyń biri Berlınde 2009 jyly jeńil atletıkadan ótken Álem chempıonaty aldynda tóselgen, ekinshisi 2010 jyly Barselonadaǵy Eýropa chempıonaty ashylardan buryn salynǵan. Sondyqtan mundaı joldar TMD men Ortalyq Azııa elderinde ázirge joq.
Qujatqa IAAF-tyń Bas hatshysy Per Vaıss pen komıtettiń tehnıkalyq tóraǵasy Horhe Salkedo qol qoıǵan.
