Almatynyń Ortalyq saıabaǵy jańartylady
ALMATY. QazAqparat - Almaty ákimi Baýyrjan Baıbek Ortalyq mádenıet jáne demalys saıabaǵyn aralap, qaıta qalpyna keltirý josparymen tanysty, dep habarlaıdy QazAqparat tilshisi.
Ortalyq saıabaqty basqarýshy kompanııa qaıta qalpyna keltirý úshin 1,6 mlrd teńge jeke ınvestıtsııa bólgen. Atalǵan kompanııa basshysy qala ákimin saıabaqqa júrgiziletin qaıta jóndeý jumystarynyń josparymen tanystyrdy.
«Jańarǵan saıabaq aımaqtarǵa bólinedi, munda tegin skeıtodrom, vorkaýt jáne komandalyq oıyndar alańdary bar sport aýmaǵy, balalardyń jańa qalashyǵy paıda bolady. Jańa ári zamanaýı attraktsıondar jasalady. Taıaý arada trotýarlardy jóndeý bastalady, jaryq kózderi ornatylyp, sý burqaqtary jańarady. Zamanaýı talapqa saı kelmeıtin saýda nysandary alynyp tastalady. Memlekettik-jekeshelik áriptestik qaǵıdasy boıynsha sonaý 90-shy jyldan beri jumys istemeı turǵan «Velotrek» qaıta jóndeledi» - dedi kompanııa basshysy.
Sonymen qatar ol qosymsha aǵashtar otyrǵyzylyp, qala saıabaǵynyń ortasyndaǵy kólik turaǵyn jabý esebinen asfaltbeton tóselgen aýmaq qysqaratynyn aıtty.
Qurylys jumystary kelýshilerge qolaıly bolý úshin kezeńge bólinip jasaldy.
Araılym Joldasbaı
