Almatynyń Ortalyq meshiti balalar arasynda sýret konkýrsyn jarııalady
ALMATY. 1 maýsym. QazAqparat /Erbol Azanbek/ - Almaty qalalyq Ortalyq meshiti balalar arasynda «Qazaqstan meshitteri» atty sýret konkýrsyn jarııalady. Konkýrs balalar kúni merekesine oraı uıymdastyrylyp otyr.
«Konkýrstyń basty maqsaty - balalar nazaryn ıslamǵa aýdarý»,- deıdi meshit ókilderi. Konkýrsqa 5-15 jas aralyǵyndaǵy balalar qatysa alady. Úmitkerler taqyryp boıynsha salǵan sýretterin 1 tamyzǵa deıin Almatynyń Ortalyq meshitine nemese meshit@inbox.ru elektrondy poshtasyna joldaýy tıis. Sýretter túrli - tústi qaryndashpen nemese akvareldik boıaýmen salynǵan, kólemi A4 formatynan aspaǵany jón. Jeńimpazdar tamyzdyń 5-i kúni jarııalanyp, Ortalyq meshitte arnaıy marapattalady. Konkýrs qorytyndysy boıynsha 1 orynǵa iPad Wi-Fi 16GB, 2 orynǵa iPod Touch 8Gb, 3 orynǵa iPod nano 16Gb baǵaly syılyqtary berilmek.
