Almatynyń ortalyq kóshelerinen velojoldar alynyp tastalady
ALMATY. QazAqparat – Almaty qalalyq Qoǵamdyq keńesiniń tóraǵasy Rahman Alshanov brıfıng barysynda qaladaǵy velosıped joldary týraly aıtty, dep habarlaıdy QazAqparat tilshisi.
«Qonaev kóshesiniń sol jaǵyndaǵy velosıped joly, kásipkerlerdiń jumysyna óz kedergisin tıgizip jatyr. Eger jodyń tómen jaǵyna qarasańyz, onda kóptegen bıznes kásiporyndary ornalasqan: dúkender, meıramhanalar, shashtaraz jáne taǵy basqasy. Baıtursynov kóshesinde de dál osyndaı jaǵdaı. Onda Nıkolskıı bazary turyp qaldy. Barlyq dálelderdi tarazylaýymyz kerek. Pikirtalas pen usynystar boldy. Sóıtip, Baıtursynov pen Qonaev kósheleriniń bir jaǵynan velojoldardy alyp tastaý kerek degen qorytyndyǵa keldik», - dedi Almatynyń Qoǵamdyq keńesiniń tóraǵasy Rahman Alshanov arnaıy baspasóz máslıhatynda.
