Almatynyń ortalyq kóshelerindegi bılbordtar jańartylyp jatyr
ALMATY. QazAqparat - Almaty jarnama qurylǵylaryn ázirleýdiń jańa formatyna kóship jatyr. Osyǵan baılanysty bılbordtardy jańartý jumystary júrgizilýde, dep habarlaıdy QazAqparat.
Almaty qalasy ákimdigi baspasóz qyzmetiniń habarlaýynsha, qazirgi ýaqytta Ál-Farabı, Dostyq, Súıinbaı, Abaı dańǵyly boıyndaǵy bılbordtar qaıta montajdaldy.
«Aımaqtyń syrtqy jarnamasy» kompanııasynyń bılbord formatyndaǵy 506 qurylǵysy bar. Jańa formattaǵy qurylǵylardy ornatý úshin kompanııa 100 irgetasty ázirlep qoıǵan.
Kompanııa basshysy Sergeı Rychkovtyń aıtýynsha, kompanııa bılordtardy kezeń-kezeńmen aýystyrmaq jáne bul baǵyttaǵy jumysty ol sáýir aıynyń sońynan bastap júrzigbek. Kompanııa jumysty eń aldymen ortalyq kóshelerden bastaıdy.
Qazirgi ýaqytta bir qurylǵyda birden 5 jarnama kórsete alatyn aınalmaly mehanızmi bar bılordtarǵa tapsyrys berilgen.
