Almatynyń ortalyq kóshelerinde jaryq sónip qaldy

ALMATY. QazAqparat – Kún raıynyń qolaısyzdyǵyna baılanysty Almatynyń birqatar aýdanyndaǵy elektr jelisinde apat bolyp, jaryq sóndi, dep habarlaıdy QazAqparat tilshisi.

«Alataý Jaryq Kompanııasy» AQ málimetinshe, qatty jeldiń saldarynan keıbir aýdanda aǵashtar qulady, bul elektr taratý jelisindegi 6-10-0, 4 kılovolttyń ajyraýyna ákeldi. Sonyń saldarynan almatylyqtar elektrden ajyratyldy.

«Elektr qýaty Jamaqaev, Shýkshın, Gagarın, Jarokov, Áýezov, Jambyl, Tóle bı, Sholohov, Seıfýllın kóshelerinde óshti. Elektr qýatynsyz qalǵan aýdandardy «AJK» AQ saıtynyń kartasynan kórýge bolady. Qazirgi ýaqytta apattyq-qalpyna keltirý jumystary júrgizilip jatyr. 2 saǵattyń ishinde qosý josparda»,- dep habarlady «Alataý Jaryq Kompanııasy» AQ-dan.

Aıta keteıik, búgin Almatyda nóser jaýyn jaýyp, daýyl boldy.