Almatynyń ortalyq aýrýhanasynan bomba tabylǵan joq

ALMATY. QazAqparat - Ortalyq qalalyq klınıkalyq aýrýhanaǵa jarylǵysh zat qoıyldy degen habar jalǵan bolyp shyqty, dep habarlaıdy QazAqparat tilshisi.

Almaty qalalyq Polıtsııa departamenti Ortalyq qalalyq klınıkalyq aýrýhana aýmaǵynda izdestirý sharalary aıaqtalǵanyn málim etti.

«Eshqandaı jarylǵysh qurylǵy nemese basqa da kúdikti zattar tabylmady. Jarylǵysh zat týraly aqparat jalǵan bolyp shyqty. Qazir polıtseıler habar tartqan adamdy izdestirip jatyr»,- dedi vedomstvodan.

Buǵan deıin bomba týraly málimetke baılanysty medıtsınalyq mekemeniń aýmaǵynda tekserý jáne izdestirý sharalary júrgizilip jatqanyn jazǵan bolatynbyz. Ǵımarattan q yzmetkerler men naýqastar dereý evakýatsııalandy.