Almatynyń ortalyǵyndaǵy nysandarǵa sý berý toqtatylady
ALMATY. QazAqparat - Almaty qalasynyń ortalyǵynda turatyndarǵa sý berý ýaqytsha toqtatylady, dep habarlaıdy QazAqparat tilshisi.
«Shildeniń 13-i kúni saǵat 22.00-den tańǵy 5-ke deıin Almaly aýdanynyń aýmaǵynda ornalasqan, atap aıtqanda Abaı dańǵyly - Gogol kóshesi, Abylaı han dańǵyly - Baıtursynov kóshesindegi turǵyn úılerge jáne basqa da nysandarǵa sýyq sý berý toqtatylady»,- dedi «Almaty sý» kompanııasy.
Aıta ketsek, bul shara sýmen jabdyqtaý júıesin ortalyq magıstraldarǵa qosý úshin jasalyp jatyr.
