Almatynyń ortalyǵynda jylý qubyry jaryldy
ALMATY. QazAqparat - Almatynyń ortylyǵynda jylý qubyry jaryldy, dep habarlaıdy QazAqparat qala ákimdiginiń baspasóz qyzmetine silteme jasap.
Baspasóz málimetterine qaraǵanda, Qazybek bı men Dostyq dańǵylynyń qıylysynda ornalasqan jylý magıstraliniń bóligi gıdravlıkalyq synaqqa shydas bermeı, jaryldy.
«Jarylys tańǵy saǵat 6.30-da qalyńdyǵy 500 mm bolatyn qubyr jelisin úlken qysymmen úrleý sharalary barysynda boldy. Oqıǵanyń saldarynan jylý júretin qurylǵyny atyp jibergen. Jarylys saldarynan eshqandaı shyǵyn bolǵan joq»,-delingen vedomstvo taratqan aqparatta.
«Almaty jylý jelileri» JShS ınjenerleriniń málimetteri boıynsha, bul jylý jelisi 1990 jyly iske qosylǵan. Onyń 25 jyl jaramdylyq merzimi ótken.
«Almaty jylý jelileri» ókilderi mundaı sharalardyń problemalyq bólikterdi anyqtaý maqsatynda jylý maýsymy toqtatylǵan ýaqyttarda júrgizilip turatynyn aıtty.
