Almatynyń ortalyǵynda jaryqtyń sóný sebebi anyqtaldy
ALMATY. QazAqparat - Almatynyń úsh aýdanynda jaryqtyń sónip qalýynyń sebebi belgili boldy, dep habarlaıdy QazAqparat tilshisi.
«Alataý Jaryq Kompanııasy» AQ aqparatyna sáıkes, qalanyń Almaly,
Bostandyq jáne Medeý aýdandaryndaǵy birqatar sektorlardyń tutynýshylaryna elektr energııasy bir saǵat ishinde berildi.
«Sátbaev – Qonaev – Tóle bı – Seıfýllın kósheleriniń kontýrynda ornalasqan turǵyn úıler men ózge de ǵımarattardyń elektr qýatynyń úzilýi PS-58A qosalqy stantsııasynyń jumysyndaǵy aqaýǵa baılanysty boldy», - dep habarlady kompanııada.
Sondaı-aq kompanııa ókilderi shtattan tys jaǵdaıdyń aldyn ala sebebi PS-58A qosalqy stantsııasyn qorektendiretin kabeldik jeliniń mehanıkalyq zaqymdanýynan bolǵanyn málimdedi.
