Almatynyń ortalyǵynda salynyp jatqan turǵyn úılerdiń qurylysy nege toqtatyldy

ALMATY. QazAqparat- Almaty qalalyq josparlaý jáne ýrbanıstıka basqarmasynyń basshysy Almashan Ahmedjanov brıfıng barysynda megapolıs ortalyǵynda kópqabatty úıler salynyp jatyr ma degen suraqqa jaýap berdi, dep habarlaıdy QazAqparat tilshisi.

«Qurylysy júrip jatqan nysandarǵa keler bolsaq, olardyń qurylysy 2019 jyly bastaldy, biz olardy aıaqtalý kezeńinde toqtata almaımyz. Sonymen qatar olar turǵyn úı baǵdarlamasyna qatysyp jatyr. Al kezinde ruqsat berilgen, biraq qurylysy bastalmaǵan jańa ýchaskeler úshin bizdiń basqarma jańa erejelerge sáıkestendirmeıinshe onyń barlyq áreketterin toqtata turý týraly habarlama jiberdi», — dedi Almashan Ahmedjanov.

Onyń aıtýynsha, qalanyń ortalyq bóliginde tarıhı ortalyq shekarasynda kópqabatty úılerdiń qurylysy toqtatyldy.

«Jer telimderin qaıtarý protsesi júrip jatyr. Bul ońaı jumys emes. Jerdi alyp qoıý tek sot arqyly sheshiledi, sondyqtan bul másele qazir qarastyrlyp jatyr», - dep jaýap berdi ol.