Almatynyń ortalyǵynda salynyp jatqan turǵyn úı kesheniniń qurylysy toqtady
ALMATY. QazAqparat– Nazarbaev dańǵyly men Qabanbaı batyr kóshesiniń qıylysynda salynyp jatqan turǵyn úı kesheniniń qurylysy toqtady, dep habarlaıdy QazAqparat tilshisi qala ákimdigine silteme jasap.
«QR Prezıdenti Qasym-Jomart Toqaev 2019 jyldyń 29 qazanynda qalanyń damýy týraly ótken keńeıtilgen keńes barysynda Almatynyń ortalyq bóliginde tyǵyz qurylys salýǵa tyıym salý jóninde tapsyrma bergen bolatyn. Osyǵan qaraı, Nazarbaev dańǵylynyń shyǵysyna, Qabanbaı batyr kóshesiniń soltústigine qaraı ornalasqan mekenjaıdaǵy kópfýnktsıonaldy turǵyn kesheniniń qurylysy toqtatyldy»,-delingen ákimdik habarlamasynda.
Sonymen qatar, Almaty qalasynyń Josparlaý jáne ýrbanıstıka basqarmasy QR «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zańynyń negizinde bekitilgen zańǵa sáıkes buryn berilgen jobalyq ruqsat qujattaryn keri qaıtarý jóninde eskertý qaǵaz jiberdi.
