Almatynyń ortalyǵynda kólik turaqtary qymbattaıdy
ASTANA. QazAqparat – Almaty qalasynyń ákimi Erbolat Dosaev qalada kólik turaǵynyń tapshylyǵy, aqyly turaq baǵasy jóninde qandaı sheshimder usynylǵanyn aıtty, dep habarlaıdy QazAqparat tilshisi.
Onyń aıtýynsha, bıyl Almatynyń biryńǵaı turaq keńistigin qalyptastyrý tujyrymdamasy usynylady, onda qalanyń barlyq segiz aýdany qamtylady.
«Almatyda turatyndar kóshe boıynda kúndelikti kólikter qoıylatynyn biledi. Bul turaq emes. Qala bıligi olardy zańdastyrǵysy keledi, tıisti ınfraqurylym júrgizgisi keledi. Biz saralanǵan tólem júıesin tómendegideı engizgimiz keldi: álemdik tájirıbedegideı ortalyqta qymbatyraq, al ortalyqtan alystaǵan saıyn jańa aýdandarǵa qaraı stavka tómen bolady. Sondyqtan biz osy kúzde saralanǵan tarıfti engizemiz. Qyrkúıek aıynda bul jumysty aıaqtap, máslıhat qaraýyna usynamyz dep úmittenemin», - dedi Erbolat Dosaev Ortalyq kommýnıkatsııalar qyzmetindegi baspasóz máslıhatynda.
Ákimniń aıtýynsha, búkil qarajat jergilikti bıýdjetke túsedi.
«Qaladaǵy qaı aýdan qansha qarajat jınasa, sol qarjy ózderine qaıtarylady. Qala jınalǵan qarajatty ózine qaldyrmaıdy, biraq aýdandardyń ınfraqurylymyn damytýǵa baǵyttaıdy. Meniń oıymsha, aýdan ákimderi avtoturaqtardan kóbirek qarajat jınaýǵa múddeli bolady», - dep tolyqtyrdy E. Dosaev.
Kóshe turaqtarynan basqa, ákimdik oryn az aýlalarda mehanıkalyq turaq salýdy da usynǵan.
Jańa tehnologııalar orta eseppen 12-den 16-ǵa deıin mashına jınaýǵa múmkindik beredi. Osy arqyly joldar ashylady.
«Sondaı-aq kúrdeli, kópdeńgeıli parkıngter de salynady. Jobalar qalany qarjylandyrý esebinen júrgizilmek. Sondaı-aq, biz memlekettik-jekemenshik áriptestik qaǵıdattaryna qyzyǵýshylyq tanytqan barlyq menshik ıelerin osyndaı avtoturaq salýǵa shaqyrǵymyz keledi. Qalada salynǵan qarajat aqtalady. Alǵashqy kópdeńgeıli turaq Ulttyq bank ǵımaratynyń janynda bolady. Ol úshin Ulttyq bank bizge óziniń aıaqtalmaǵan parkıngin berdi. Bıyl jobalyq-smetalyq qujattamany jasaımyz, al kelesi jyly Sátbaev kóshesinde turatyn birinshi kópdeńgeıli kommýnaldyq parkıngti iske qosamyz», - dep túsindirdi ákim.
Onyń málimetinshe, Almaty turǵyndaryna 550 myńǵa jýyq kólik tirkelgen.
Kún saıyn «Sergek» júıesi aglomeratsııadan 250 myńǵa deıin kiretin mashınalardy tirkeıdi. Osylaısha, bir ýaqytta qalada 750-800 myńǵa jýyq kólik júredi.
