Almatynyń ortalyǵynan qarý-jaraq arsenaly tabyldy

ALMATY. QazAqparat - Arsenal qoımasy Almatydaǵy memlekettik murajaıdyń janynan tabyldy, dep habarlaıdy QazAqparat tilshisi.

Polıtsııadan habarlaǵandaı, qyzmettik-izdeýshi ıt arsenal qoımasyn tapty.

«Jedel is-sharalardy júrgizý barysynda «Samal» yqshamaýdanynda Memlekettik murajaıdyń janynan qyzmettik-izdeýshi ıt qarý-jaraq qoımasyn tapty. Jasyrylǵan jerden travmatıkalyq qarýlar men granatalar tárkilendi. Jaqyn jerdegi qoqys jáshiginen patrondar tabyldy: 12 kalıbrli – 19 dana, 7,62 kalıbrli – 7 dana, 5,45 kalıbrli – 4 dana. Oq-dárilerdiń kimge tıesili ekeni tekserý barysynda anyqtalady», – dedi Medeý aýdandyq Polıtsııa basqarmasynyń bastyǵy Dáýren Ótebaev.