Almatynyń negizgi kapıtalyna salynǵan ınvestıtsııa 538,6 mlrd teńgege jetti
Basqarma basshysynyń aıtýynsha, 7 aıdyń qorytyndysy boıynsha Almaty ekonomıkasy ósiminde oń serpin baıqalady.
«Negizgi kapıtalǵa salynǵan ınvestıtsııalardyń kólemi 538,6 mlrd teńgeni quraıdy nemese 119,7%-ǵa jetti. Investıtsııalar negizinen úsh kózden tartylǵan. Onyń negizgi úlesi kásiporynnyń óz menshik ıelerine tıesili – 66%, qaryz qarajattary – 18%, memlekettik bıýdjet – 16%. Osy jyldyń qańtar-shilde aılarynda ınvestıtsııanyń kólemi jyljymaıtyn múlikke 255 mlrd teńge, kólik jáne qoımalaýǵa – 65 mlrd, ónerkásipke- 50,4 mlrd, qarjy jáne saqtandyrý qyzmetine – 34 mlrd teńge tartyldy», -dedi spıker.
Sonymen qatar, 2021 jyly 1,2 trln teńge somasyna ınvestıtsııa tartý, 10 myń jumys ornyn, sonyń ishinde 5 myńnan astam turaqty jumys oryndaryn qurý arqyly 332,6 mlrd teńge somasyna 83 ınvestıtsııalyq jobany aıaqtaý josparlanǵan.
«Máselen, 57,6 mlrd teńgege 16 áleýmettik joba qarastyrylǵan, atap aıtsaq ál-Farabı dańǵylyndaǵy Balet teatry, K.Ázirbaev kóshesindegi sport-medıtsınalyq ortalyq, D. Qonaev atyndaǵy Akademııanyń janyndaǵy jataqhana jáne basqalary. Saýda jáne qyzmet kórsetý salasynda 38,7 mlrd teńgege 19 joba qarastyrylsa, ónerkásip salasynda 59,6 mlrd teńgege 16 joba, jyljymaıtyn múlik salasynda 176,7 mlrd teńgege 32 joba bar»,-dedi ol.
