Almatynyń Naýryzbaı aýdanynda vaktsınany qaı jerden salǵyzýǵa bolady
ALMATY. QazAqparat – Búgin Almatynyń Naýryzbaı aýdanynda vaktsınatsııanyń tórtinshi transhy bastaldy. Vaktsınany turǵyndar erikti túrde saldyra alady. Ol úshin megapolıstegi kez kelgen emhanaǵa tirkelý qajet, dep habarlaıdy QazAqparat tilshisi.
Almatydaǵy №36 qalalyq emhananyń bas dárigeri Gúljanat Tilegenniń aıtýynsha, vaktsına erikti túrde júrgiziledi. Ekpeniń aldynda dárigerdiń tekserýinen ótedi.
«Búgingi ýaqytta bizdiń aýdanymyz boıynsha 250-den astam adamǵa ekpe salyndy, barlyǵynyń jaı-kúıi jaqsy, jaǵymsyz áser týyndamady. Vaktsına kúndelikti jumys kúnderi tańǵy saǵat 8.00-20.00 aralyǵynda ekinshi qabattaǵy 209 kabınette júrgiziletinin atap ótken jón»,- dedi dáriger.
Naýryzbaı aýdanynyń Ardagerler keńesiniń densaýlyqty saqtaý jónindegi komıssııanyń tóraıymy Raıhan Elamanova ekpe saldyryp, óz oıymen bólisti.
«Búgin men ekpe saldyrdym, jaı-kúıim jaqsy.Qarııa jastaǵy adamdarmen tikeleı jumys jasaǵandyqtan halyqqa qashan ekpe salatynyn burynnan kútken edim, eń aldymen ózim ekpe alýym kerek jáne olardyń qaýip aýmaǵynda bolǵany sebepti ózimdi, ózimdi qorshaǵan ortany qorǵaýym kerek. Mende óz tobym bar, onda 200 zeınetker tirkelgen, sol adamdarǵa ózimniń vaktsına alǵannan keıingi jaı-kúıim týraly jazyp bóliskim keledi.Sonymen qatar, qarsy kórsetkishter anyqtalmasa vaktsına saldyrýlaryńyzǵa keńes beremin. Vatsaptaǵy meniń tobym «Júz jasa» dep atalady, mine osy sebeppen olardyń júz jas jasaǵanyn tileımin»,- dep óz pikirimen bólisti Raıhan Elamanova.
Gúljanat Tilegen vaktsınany alǵannan soń profılaktıkalyq sharalardy saqtaý qajet ekenin tilge tıek etti. Ol áleýmettik qashyqtyq, maska rejımi.
Eń aldymen, ımmýnızatsııany juqpaly aýrý aýrýhanasynyń, jedel medıtsınalyq kómek, reanımatsııa, medıtsınalyq-sanıtarlyq alǵashqy kómek (MSAK), qabyldaý bólimshesiniń, jumyskerleri, sanıtarlyq-epıdemıologııalyq qyzmettiń qyzmetkerleri ótti.Ekinshi kezeńde jalpy bilim beretin mektep, joǵary oqý oryndarynyń pedagogtary, birinshi satyǵa kirmegen medııtsnalyq qyzmet jumyskerleri qamtylǵan. Úshinshi kezeń boıysha mektep-ınternat, mektepke deıingi balalar mekemesiniń pedagogtarymen, stýdentter jáne sozylmaly aýrýmen aýratyn adamdarmen, áleýmettik-medıtsınalyq mekemeniń qyzmetkerlerimen qamtylǵan.
Jalpy Naýryzbaı aýdany boıynsha vaktsına kelip túskennen beri 1,2,3 eshelon boıynsha 1110 adam vaktsına alǵan. Vaktsınany alýǵa profılaktıkalyq ekpege qary kórsetkishteri joq tulǵalarǵa ruqsat etiledi.
