Almatynyń Naýryzbaı aýdanynda Halyqqa qyzmet kórsetý ortalyǵy ashyldy (FOTO)
ALMATY. QazAqparat - Almatynyń Naýryzbaı aýdanynda Halyqqa qyzmet kórsetý ortalyǵy ashyldy, dep habarlady «HQQO» RMK baspasóz qyzmeti.
Saltanatty rásimge QR IDM Baılanys, aqparattandyrý jáne aqparat komıteti tóraǵasynyń orynbasary Bek Arpabaev, Almaty qalasy ákiminiń orynbasary ıÝrıı Ilın, «HQKO» RMK bas dırektory Ásemgúl Baltasheva qatysty.
Jańa HQKO-da Almatynyń Naýryzbaı aýdanynyń turǵyndary qujattandyrý boıynsha qyzmetterdi qosa, barlyq qajetti anyqtamalar men qujattardy ala alady. Halyqqa qyzmet kórsetý ortalyǵy Aqjar shaǵynaýdany, Eginsý k., 33 mekenjaıy boıynsha ornalasqan jáne tańǵy saǵat 9-dan keshki 20.00-ge deıin jumys isteıdi,
QR IDM Baılanys, aqparattandyrý jáne aqparat komıteti tóraǵasynyń orynbasary Bek Arpabaev tyń aıtýynsha, HQKO ashý qajettiligi Almatyda jańa aýdannyń qurylýyna baılanysty týyndady. «Buryn osy aýdannyń turǵyndary basqa HQKO-larǵa júginetin, bul olarǵa úlken júkteme týdyratyn, endi bul másele sheshildi. Almaty sııaqty megapolıste taǵy bir HQKO ashý memlekettik qyzmetterdi neǵurlym jedel kórsetýge jol beredi jáne olardyń sapasyn arttyrady dep oılaımyn», - dep atap ótti ol.
Jańa HQKO-da 50 ınspektor jumys isteıdi, qujattardy qabyldaý jáne daıyn qujattardy berý úshin 20 jumys orny bar.
Sondaı-aq Arpabaevtyń sózine qaraǵanda, qyzmetti alýshylar úshin yńǵaıly jaǵdaılar jasaýǵa basa kóńil bólingen: HQKO jańa jıhazben jabdyqtalǵan, 30 avtomobılge turaq bar, múmkindigi shekteýli adamdar úshin pandýs qarastyrylǵan, shaqyrý batyrmasy jumys isteıdi.
Jańa HQKO Almatyda esep boıynsha 9-ynshy ekendigin aıta ketken jón. Buǵan deıin qalada avtokólik ıeleri úshin mamandandyrylǵan HQKO-ny qosa, 8 halyqqa qyzmet kórsetý ortalyǵy jumys istedi.
Ótken jyly Almatynyń HQKO-larynda 4 mıllıonnan astam, aǵymdaǵy jylǵy 4 aı ishinde shamamen 2 mıllıon memlekettik qyzmet kórsetildi.
