Almatynyń Naýryzbaı aýdanynda eki emhana men dárigerlik ambýlatorııa salynady

ALMATY. QazAqparat - Medıtsınalyq mekemelerdiń jetispeýshiligi men emhanalardyń shamadan tys júktelýi - Almatynyń Naýryzbaı aýdanyndaǵy negizgi máselelerdiń biri. Bul týraly Naýryzbaı aýdanynyń turǵyndarymen kezdesý barysynda qala ákimi Erbolat Dosaev aıtty, dep habarlaıdy QazAqparat tilshisi.

«Aýdannyń joǵarǵy bóliginde emdeý mekemeleri joq. Sondaı-aq, ınfraqurylymdy damytýdyń jyldam qarqynyn jáne aýdan halqynyń jyl saıynǵy 10-12 myńǵa ósýin eskere otyryp, Almaty qalasynyń ákimdigi 500 kelýshige arnalǵan 2 jańa emhana men 200 kelýshige arnalǵan dárigerlik ambýlatorııa salýdy josparlap otyr», – Erbolat Dosaev.

Qala ákimi atap ótkendeı, «Aqjar» yqsham aýdanynda 200 oryndyq dárigerlik ambýlatorııa qurylysyna jobalyq-smetalyq qujat ázirlený ústinde. Qurylys jumystary 2023 jyldyń 1-toqsanynda bastalady.

«Quramys» yqsham aýdanynda emhananyń jobalyq-smetalyq qujaty ázirlendi. Qurylys 2023 jyldyń 2-toqsanynda bastalady.

Al «Shuǵyla» yqsham aýdany boıynsha emhananyń jobalyq-smetalyq qujatyn ázirleýge konkýrs jarııalanady. Qurylystyń bastalýy 2024 jyldyń 1-toqsanyna josparlandy.