Almatynyń Naýryzbaı aýdanynda avtobýstardyń tórt baǵyty uzartylyp, jańartyldy
ALMATY. QazAqparat - Naýryzbaı aýdanynda qoǵamdyq kólikterdiń tórt baǵyty uzartylyp, jańartyldy. Bul týraly Óńirlik kommýnıkatsııalar qyzmetiniń brıfıngisinde aýdan ákimi Sanjar Toǵaı málim etti, dep habarlaıdy QazAqparat tilshisi.
Spıkerdiń sózinshe, qala turǵyndaryna yńǵaıly bolý úshin «Alma sıtı E-5» turǵyn úı kesheni jáne Karernaıa kóshesi turǵyndarynyń ótinishi boıynsha №31 jáne 67 avtobýs marshrýttary uzartyldy. Sonymen qatar №44 jáne 137 baǵyttar jańartyldy.
Aýdan ákimi baǵyttardyń, jyljymaly quramnyń, sondaı-aq avtobýs aıaldamalarynyń jetispeýshiligi ózekti bolyp qalatynyn aıtty.
Shuǵyla, Quramys, Tastybulaq shaǵyn aýdandarynda qosymsha marshrýttyq jelilerge jáne jyljymaly quramdy ulǵaıtý qajettiligi bar.
«1 qyrkúıekke deıin qalanyń batys bóliginde marshrýttyq jelini ońtaılandyrýdy josparlap otyrmyz, onyń aıasynda №49 (shaǵyn aýdan baǵyty boıynsha) jańa marshrýt ashylady. Abaı-Karernaıa kóshesi – «Momyshuly» metro stantsııasy) jáne №110 marshrýt («Momyshuly» metro stantsııasyna deıin) uzartylatyn bolady, bul Naýryzbaı aýdanynyń kólik qyzmetin jaqsartýǵa kómektesedi», - dedi Sanjar Toǵaı.
Aýdan ákimi aıaldama keshenderiniń qurylysyna jeke toqtaldy. Ázirge olardyń sany 35. Jyl sońyna deıin barlyq zamanaýı talaptarǵa saı keletin 8 tolyq aıaldama ornatylady.
Sonymen qatar, ol aldaǵy 5 jylda Naýryzbaı aýdany halqynyń sany 150 myń adamǵa artatyn atap ótti.
«Osyǵan baılanysty Alataý kóshesiniń Abaı dańǵylyndaǵy stantsııadan bastap, Áshimov kóshesiniń buryshynan «Barlyq» bazary aýdanyndaǵy stantsııaǵa deıingi metro trassasy ózgertildi. Qazirgi ýaqytta Abaı dańǵylynyń boıynda ıAssaýı kóshesinen batys baǵytta Áshimov kóshesiniń qıylysyna deıin ornalasqan «Qalqaman» stantsııasynyń qurylysy bastaldy. Aıaqtalý merzimi - 2025 jyl», - deıdi ol.
Jalpy alǵanda, 2026 jylǵa deıin Naýryzbaı aýdanynda uzyndyǵy 5,2 km 3 stantsııa salynady. Búginde tehnıkalyq-ekonomıkalyq negizdemeni ázirleýge konkýrstyq rásimder júrgizilýde.
