Almatynyń Naýryzbaı aýdanynda aýyzsý máselesi qalaı sheshiledi

ALMATY. QazAqparat- Almatynyń Naýryzbaı aýdanynda turǵyndardy sapaly jáne úzdiksiz aýyzsýmen qamtamasyz etý boıynsha úlken jumys atqaryldy. Bul týraly qala ákimi Erbolat Dosaev qala turǵyndarymen kezdesýde aıtty, dep habarlaıdy QazAqparat tilshisi.

«Aqjar shaǵynaýdanynyń 35 myń turǵynyn aýyzsýmen qamtamasyz etý úshin Aqsaı negizgi sý kóziniń qurylysy aıaqtalǵanǵa deıin osy jyldyń naýryz aıynda Alataý dańǵyly men kaskadty sorǵy stantsııasy boıynsha magıstraldyq sý qubyrynyń qurylysyn bastadyq. Bul jobany maýsym aıynyń sońyna deıin aıaqtaýdy josparlap otyrmyz», - dedi qala ákimi.

Onyń aıtýynsha, Aqjar, Qaraǵaıly, Tastybulaq jáne Taýsamaly sııaqty 4 shaǵynaýdandarda sýmen jabdyqtaý jáne káriz jelilerin jobalaý jumystary jalǵasýda. Nátıjesinde, 2025 jyldyń sońyna deıin 335 km sýmen jabdyqtaý jáne káriz jelileri salynady.