Almatynyń metrosy, stantsııalar men poıyzdarda Wi-Fi qashan iske qosylady

ALMATY. QazAqparat - Ákimdiktiń qoldaýymen «Almaly» metro stantsııasynda pılottyq rejimde tegin Wi-Fi qosyldy, dep habarlaıdy QazAqparat tilshisi Almaty qalasy qalalyq mobıldilik basqarmasyna silteme jasap.

«Bul ınternetke qosylǵan ekinshi stantsııa. Buǵan deıin «Jibek jolynda» ınternet boldy. Bıyl qarashada barlyq stantsııalar men poıyzdar Wi-Fi-men tolyqtaı qamtamasyz etiledi. «Transtelekom» IT-qyzmetiniń deregi boıynsha, qazirgi ýaqytta kúnine 400 adam qosylyp otyr», - delingen basqarmanyń habarlamasynda.

Aıta ketken jón, «Saryarqa» jáne «Dostyq» stantsııalary qoldanysqa berilip, metronyń birinshi jelisiniń qashyqtyǵy 3,1 shaqyrymǵa, al jalpy qashyqtyǵy 13,4 shaqyrymǵa uzardy. Bul metropolıtendegi jolaýshylar sanyn táýligine 86 myń adamǵa deıin arttyrýǵa múmkindik beredi.

Avtor: Danııar Daýtalıev