Almatynyń memlekettik mektepteri bir aýysymdy oqytýǵa kóshedi

ALMATY. QazAqparat- Almatynyń memlekettik mektepteri 2026 jyldan bastap bir aýysymdy oqytýǵa aýysady. Bul týraly Erbolat Dosaev bilim berý qyzmetkerleriniń tamyz keńesinde málim etti, dep habarlaıdy QazAqparat tilshisi.

Aıtýynsha, aldaǵy eki jylda 14,4 myń oryndyq 19 jeke uıym ashý josparlady, onyń ishinde iri qurylys salýshylarmen memorandým aıasynda 9 myń oryndyq 10 mektep iske qosylady.

«Osy sharalardyń barlyǵyn eskere otyryp, biz 2026 jyldan bastap memlekettik mektepterdiń bir bóligin bir aýysymdyq oqytýǵa aýystyrýdy birtindep bastaýǵa nıettimiz», - dedi qala basshysy.

Erbolat Dosaevtyń sózinshe, osy mindetterdi sheshý úshin ákimdik 5,2 myń oryndyq 13 memlekettik bilim berý uıymdaryn jobalaý men salýdy jalǵastyrýda. Olar aldaǵy eki jylda paıdalanýǵa beriledi.