Almatynyń medıtsına uıymdarynda 420 myńnan astam naýqas emdeldi
ALMATY. QazAqparat -Almatynyń medıtsına uıymdarynda jyl basynan beri 420 myńnan astam naýqas emdeldi, dep habarlaıdy QazAqparat tilshisi.
Respýblıkalyq elektrondyq densaýlyq saqtaý ortalyǵynyń derekterine sáıkes, Almaty boıynsha tegin memlekettik kepildendirilgen kómek kólemi paketi aıasynda 121 medıtsınalyq uıym, MÁMS paketi boıynsha 142 medıtsınalyq mekeme qyzmet kórsetip jatyr.
2020 jyldyń 11 aıynda Almaty qalasy Qoǵamdyq densaýlyq basqarmasynyń medıtsınalyq uıymdarynda 423 030 naýqas emdelgen. Onyń ishinde tegin memlekettik kepildendirilgen kómek kólemi aıasynda - 227 381 adam, MÁMS boıynsha 182 617 naýqas emdelgen.
Táýliktik statsıonarlar deńgeıinde 307 381 naýqas emdelip shyqty. ıAǵnı 72,6%-y jazylyp shyqqan.
Onyń ishinde tegin memlekettik kepildendirilgen kómek kólemi aıasynda 159 024, MÁMS boıynsha 135 585 naýqas jatyp emdeldi.
Eresekter úshin kardıologııalyq, endokrınologııalyq, nevrologııalyq, revmatologııalyq, oftalmologııalyq, kardıohırýrgııalyq medıtsınalyq qyzmetterge suranys artqan.
Alǵashqy medıtsınalyq-sanıtarııalyq kómek uıymdary janyndaǵy kúndizgi statsıonarlarda 67 776 patsıent nemese 2020 jylǵy 11 aıda emdelgenderdiń jalpy sanynyń 16% - y emdeldi. Onyń ishinde tegin memlekettik kepildendirilgen kómek kólemi sheńberinde - 36 660 adam, MÁMS sheńberinde 31 082 patsıent emdeldi.
Alǵashqy medıtsınalyq sanıtarııalyq kómek uıymdarynyń janyndaǵy kúndizgi statsıonar deńgeıinde 15 475 patsıent, onyń ishinde tegin memlekettik kepildendirilgen kómek kólemi sheńberinde - 15 343, MÁMS sheńberinde 132 patsıent emdeldi. Úıdegi statsıonarlar negizinen balalar men qart adamdar úshin, sondaı-aq koronavırýstyq ınfektsııasy bar naýqastar men olarmen baılanysta bolǵan adamdarǵa úı karantıni úshin uıymdastyrylady.
Almatyda sozylmaly búırek jetkiliksizdigi bar, gemodıalız terapııasyna muqtaj naýqastarǵa qyzmet kórsetiletinin atap ótken jón. 15 gemodıalız ortalyǵynda 2 216 patsıent emdeldi. Gemodıalız qyzmeti tek tegin memlekettik kepildendirilgen kómek kólemi sheńberinde júzege asyrylady.
Sondaı-aq, qala klınıkalarynyń bazasynda joǵary tehnologııalyq medıtsınalyq qyzmetter boıynsha kómek kórsetiledi. 2020 jyldyń 11 aıynda 35 medıtsınalyq uıymda 2 825 patsıent emdeldi, onyń ishinde tegin memlekettik kepildendirilgen kómek kólemi sheńberinde – 152, MÁMS sheńberinde 2 656 patsıent emdelgen.
