Almatynyń medıtsına uıymdaryna 85 mlrd teńge tólendi

ALMATY. QazAqparat - Jyl basynan beri memlekettik tapsyrys sheńberinde almatylyqtarǵa tegin qyzmet kórsetken medıtsına uıymdaryna 84,9 mlrd teńge tólendi, dep habarlaıdy QazAqparat tilshisi «Áleýmettik medıtsınalyq saqtandyrý qory» KEAQ Almaty fılıalyna silteme jasap.

KEAQ habarlaýynshy, atalǵan qarajat memlekettik tapsyrys boıynsha tegin medıtsınalyq kómek úshin tólenip otyr. Saqtandyrý paketi sheńberinde qyzmet kórsetý 2020 jyly bastalady.

Esterińizge sala ketsek, medıtsınalyq saqtandyrý qory 2018 jyldan beri memlekettik bıýdjetten qarjylandyrylatyn kepildendirilgen tegin kómek paketiniń operatory bolyp tabylady. Kelesi jyldan bastap Qor mindetti áleýmettik medıtsınalyq saqtandyrý sheńberinde kórsetiletin qyzmetterdiń aqysyn tóleı bastaıdy.

Jalpy, Almaty qalasynda 177 medıtsına uıymy Medıtsınalyq saqtandyrý qorymen memlekettik tapsyrysty oryndaý jóninde kelisimshart bekitken. Onyń basym bóligi – jeke menshik klınıkalar. 2019 jylǵa bekitilgen kelisimsharttyń jalpy somasy 116,8 mlrd teńgeni qurady.