Almatynyń medıtsına qyzmetkerleri 14 mlrd teńgeden astam ústemeaqy alǵan

ALMATY. QazAqparat – Almaty ákimi Baqytjan Saǵyntaev Ortalyq kommýnıkatsııalar qyzmetinde ótken brıfıngte COVID-19-ben kúreske jumyldyrylǵan dárigerler men medıtsına qyzmetkerlerin qoldaý sharalary týraly aıtty, dep habarlaıdy QazAqparat tilshisi.

Onyń aıtýynsha, kovıd juqtyrǵan naýqastar men ınfektsııalyq statsıonarlarda jumys isteıtin medıtsına qyzmetkerleri jumys istegen saǵattaryna qaraı aı saıynǵy ústemeaqylaryn alyp jatyr.

Almatyda bıylǵy jyldyń 9 aıynda medıtsına qyzmetkerlerine jalpy somasy 14 mlrd teńgeden astam tólem júrgizildi. Osy kezeńde aı saıyn 3,5 myńnan 7,5 myńǵa deıin medıtsına qyzmetkeri ústemeaqy aldy.

«KVI-men kúres barysynda jumys ornynda atalǵan indetti jutyryp, naýqastanyp qalǵan 1491 medıtsına qyzmetkeri belgilengen tólemdi aldy. Buǵan qosymsha 50 medıtsına qyzmetkeri jergilikti bıýdjetten áleýmettik tólemder aldy. Búgingi tańda kadrlyq rezervte 2450 medıtsına qyzmetkeri bar»,– dedi Baqytjan Saǵyntaev.