Almatynyń Medeý shatqalyna avtobýs jıi qatynaıtyn boldy
ALMATY. QazAqpara- Almatynyń Medeý shatqalyna qatynaıtyn avtobýs jıi júretin boldy. Bul týraly qala ákimdiginiń baspasóz qyzmeti málim etti, dep habarlaıdy QazAqparat tilshisi.
Almaty qalalyq mobıldilik basqarmasy taratqan málimetke sáıkes, taý-shańǵy maýsymynyń ashylýyna baılanysty 26 qarashadan bastap №12 týrıstik marshrýt jumysy kúsheıtildi.
«Endi bul marshrýt boıynsha 10 mınýttyq ıntervalmen demalys kúnderi 20, jumys kúnderi 16 avtobýs qyzmet kórsetedi. Marshrýt Almaty-2 temir jol vokzalynan bastalyp, Abylaı han dańǵylymen joǵary kóterilip, Abaı dańǵylymen júrip, Medeý muz aıdynyna deıin barady. Medeýden sońǵy avtobýs túngi saǵat 00:30-da shyǵady», - dep habarlady basqarmadan.
Aıta keteıik, búginen bastap Shymbulaqta taý shańǵysy maýsymy resmı túrde ashyldy.
Shymbulaqta seısenbi, beısenbi jáne senbi kúnderi túngi ýaqytta da syrǵanaýǵa bolady. Demalýshylar úshin uzyndyǵy 25 shaqyrym bolatyn túrli qıyndyqtaǵy 14 jol qarastyrylǵan.
