Almatynyń Medeý aýdanynda sý tapshylyǵy qalaı sheshiledi

ALMATY. QazAqparat- Sý tapshylyǵyn joıý úshin Medeý aýdanynda sý qoımasy salynady. Bul týraly baspasóz týry barysynda aýdan ákimi Erkebulan Orazalın málim etti, dep habarlaıdy QazAqparat tilshisi.

Erkebulan Orazalın byltyr kúzden bastap Medeý aýdanynda sý qysymynyń tómendep ketkenin aıtty.

Sebebi, sońǵy 30 jylda atalǵan aýdanda aýqymdy qurylys júrgizildi.

Sondaı-aq ol baspasóz týry barysynda BAQ ókilderine jańa sý qoımasynyń qurylys alańyn kórsetti.

Aıtýynsha, rezervýardyń qurylysy Almaty ákimi Erbolat Dosaevtyń tapsyrmasymen tótenshe jaǵdaı jelisi boıynsha júzege asyrylýda.

Jobanyń ákimshisi - Medeý aýdany ákimdiginiń apparaty.

«Nysan óte mańyzdy, ony iske asyrý bıyl Medeý aýdanynyń ońtústik bóligindegi birqatar shaǵyn aýdandy turaqty sýmen qamtamasyz etýge múmkindik beredi. Joba jalpy sý shyǵyny 220 m³/saǵ deıin tórt menshikti uńǵymany burǵylaýdy jáne árqaısysynyń kólemi 3 myń tekshe metr eki úlken sý qoımasynyń qurylysyn qarastyrady. Jumys prıntsıpi - uńǵymalar rezervýarlardy toltyrady. Osylaısha, 20 myńǵa jýyq turǵyn turaqty sýmen qamtamasyz etiledi», - dep túsindirdi Almaty qalasy Medeý aýdanynyń ákimi.

Jobany iske asyrý merzimi – 2023 jyldyń jeltoqsany.