Almatynyń Medeý aýdanynda sý qashan beriledi
ALMATY. QazAqparat – Almatyda bolǵan jaýyn-shashyn saldarynan sýmen qamtý toraptarynda sýdyń laılaný deńgeıi artty. Bul qajetti sý kólemin alýǵa jáne tazartýǵa múmkindik bermeı otyr, dep habarlaıdy QazAqparat tilshisi.
«24 shilde kúngi saǵat 8:00-degi jaǵdaı boıynsha bastapqy sýdyń zerthanalyq taldaýy laılaný deńgeıiniń ótken kúndermen salystyrǵanda úshten birine tómendegenin kórsetti. Sý daıyndaý nysandarynyń qalypty jumysqa kóshýi erteń, ıaǵnı 25 shildede júzege asyrylady dep josparlanǵan»,- dep habarlady «Almaty Sý» memlekettik kommýnaldyq kásiporny.
Myna mekenjaılardaǵy tutynýshylarǵa sý berý ýaqytsha toqtatyldy: «ıÝbıleınyı» shaǵynaýdany, Taý Samal shaǵynaýdany (Kamensk ústirti), «VIP Alem» kottedj qalashyǵy, «Evropolıs» turǵyn-úı kesheni, Kereı Jánibek handar kóshesi, Ońdasynov kóshesi, Ladýshkın kóshesi, Ospanov kóshesi, Qyz Jibek kóshesi, Jánibekov kóshesi, Naımanbaev kóshesi, Dostyq dańǵyly, Chaıkın kóshesi. Kásiporyn málimetinshe, «Kóktóbe» shaǵynaýdany, «Samal 1-3» shaǵynaýdany, «Taýly qyrat» shaǵynaýdanyndaǵy Qajymuqan, Baıjanov, Lýganskıı, Dostyq dańǵyly, Nurmaǵambetov, Saharıev kóshelerinde jelidegi sýdyń qysymy tómendedi.
Aıta keteıik, Medeý aýdanynyń ońtústik bóligine sý berý 22 shilde kúni shektelgen bolatyn.
