Almatynyń Medeý aýdanynda aǵashtardy sýarý kestege sáıkes júrgizilýde
ALMATY. QazAQparat- Medeý aýdanynda aǵashtardy sýarý kestege sáıkes, sý jınaý aryq júıesi arqyly júrgizilýde, dep habarlaıdy QazAqparat tilshisi.
Almaty qalasy ákimdiginiń baspasóz qyzmeti málim etkendeı, Medeý aýdanynyń ońtústik bóliginde aptap ystyqtyń saldarynan muzdyqtardyń qarqyndy túrde erýi nátıjesinde sýmen jabdyqtaýda shekteý baıqalady.
Atalǵan jaǵdaıǵa baılanysty keıbir áleýmettik jeli qoldanýshylar aýdandaǵy aǵashtardyń qýrap ketýi múmkin ekeni týraly aqparat taratty.
«Ortalyqtandyrylǵan sýmen jabdyqtaý jasyl jelekterdi sýarýǵa arnalmaǵan. Sýarýǵa arnalǵan sý jınaý aryq júıesinen (aýdany - 37,5 ga) 12 motopompanyń jáne jınaqtaǵyshtyń kómegimen Kishi Almaty ózeninen alynady. Kestege sáıkes, bul sý avtomattandyrylǵan júıeniń kómegimen jalpy aýdany 122,97 ga bolatyn 25 mekenjaıǵa paıdalanylady, sonymen qatar 30 arnaıy tehnıkanyń kómegimen jalpy aýdany 36,75 ga bolatyn 24 aımaq sýarylady»,- dep habarlady ákimdikten.
Aıta keteıik Medeý aýdanynda jalpy aýdany 197 ga bolatyn 76 jasyl jelek bar, onyń 31-i skver, saıabaq, jasyl aımaq jáne 45-i jol, býlvar, jol aıyryqqa jatady.
