Almatynyń Medeý aýdanynda 28 eski úı súriledi
ALMATY. QazAqparat - Almatyda «Medeu Invest 2017» forýmy bastaldy. Jıyn barysynda bıznesmender men ınvestorlarǵa Medeý aýdanynyń jyljymaıtyn múlik salasyndaǵy ınvestıtsııalyq áleýeti tanystyryldy.
Aýdan ákimi Erjan Jylqybaevtyń aıtýynsha, atalǵan saladaǵy ózekti másele eski úılerdi súrý bolyp otyr.
«Investıtsııalyq forým ótkizgendegi maqsatymyz Medeý aýdanynyń ınvestıtsııalyq potentsıalyn kórsetý. Qansha jerlerimiz, bos turǵan ǵımarattarymyz bar. Osy baǵytta ınfraqurylymdyq jobalardy júzege asyryp jatyrmyz. Sebebi, ol bolmasa eshqandaı bıznesmen aqsha salmaıdy. Eń birinshi kezekte Eski úı baǵdarlamasy boıynsha qalada 28 úı súriledi. Atalǵan jobalarda 4 ınvestor tartylyp, qazir jumys jasap jatyr», - dedi aýdan ákimi Erjan Jylqybaev.
Jalpy alǵanda Medeý aýdanynda 1965 jyly salynǵan 135 eski úı, barak tıptegi 18 úı bar.
Bul úılerde 2200 adam turyp jatyr.
Olardyń ishinde 28 úı (21 - kirpish, 7 - karkas-qamys) úı súriletin bolady. Eń aldymen Qaıyrbekov-Áıteke bı-Báribaev-Qazybek bı kvadratynda 4 eski bıik úı men 27 jekemenshik úı súrilip, onyń ornyna «Alan Realtı» JShS 436 páterlik 9 qabatty úıler salynyp jatyr. Qazir 3 núktesi, 8 blogy salynyp bitti. Salynǵan ınvestıtsııa kólemi 9 mlrd teńge. Ǵımarat kelesi jyly 4 toqsanda paıdalanýǵa beriledi.
Kapıtaldy qurylys kásiporny 40 páterlik 9 qabatty úıdiń qurylysyn bastady. Bul nysanǵa salynǵan ınvestıtsııa kólemi 2,6 mlrd teńge.
Sonymen qatar, Tóle bı kóshesi 11,13, Dostyq kóshesi, 91,93,95 mekenjaılarynda qurylys kompanııalary turǵyndarmen kelissózder júrgizip jatyr.
Jangeldın-ıAnýshkevıch-Baıshev-Áshimbaev kósheleriniń sharshysynda 186 páterlik 12-qabatty úıler boı kóteredi. Oǵan 3,5 mlrd teńge salynǵan.
Cherkas bekinisi kóshesindegi 9 qabatty úıdiń qurylysyna 900 mln teńge baǵyttalǵan.
