Almatynyń Medeý aýdany turǵyndaryna sý berý kestesine ózgerister engizildi
Medeý aýdanynda sý berý men toqtatýdyń ýaqytsha kestesi bıyl 31 shilde saǵat 07:00-den 24:00-ge deıin jaramdy.
«Medeý aýdanynyń ońtústik bóligin sýmen jabdyqtaýdaǵy shekteý tabıǵı qubylystarǵa baılanysty. Buryn habarlanǵandaı, aptap ystyq saldarynan muzdyqtardyń erýine, sel jáne ózen jaǵalaýlaryn sý shaıýǵa baılanysty taý ózenderde bastapqy sýdyń laılanýynyń óte joǵary kontsentratsııasy saqtalyp otyr. Sondyqtan sý tazartý stantsııalarynda sý daıyndaýda qajetti sý kólemin ýaqytsha ala almaı jatyr. Sýdy zerthanalyq zertteý saǵat saıyn júrgiziledi. Súzgi stantsııasy arqyly turaqty sýmen qamtamasyz etý úshin laılylyq deńgeıi 30-40 mg/dm3 deıin tómendeýi kerek. Qazirgi ýaqytta ol 170-340 mg/dm3 aralyǵynda», - delingen habarlamada.
Búginde Qapparov kóshesinde ornalasqan «Tramplınder» sorǵy stantsııasy qosyldy. Sonymen qatar Dostyq dańǵyly 300 boıyndaǵy №13 sý jınaý alańynda aýyzsý deńgeıiniń jınalýyna baılanysty Taımanov, Ivanılov, Igıshev kóshelerindegi turǵyn úı qurylystaryna táýlik boıy sý berý qosymsha qalpyna keltirildi.
«Kochevnıkı» sorǵy stantsııasy qosylyp, Jamaqaev kóshesiniń ońtústigindegi turǵyn alabyn sýmen jabdyqtaý qalpyna keltirildi (Máshhúr Júsipov kóshesi, 4, 5 , 6 kósheleri). Atalǵan rezervýarlarǵa sý 31 shilde men 2 tamyz aralyǵynda jınalady», - dep habarlady «Almaty sýdan».
Sondaı-aq 31 shilde, 1 tamyz jáne 2 tamyz kúnderi myna aýmaqqa sý beriledi: Saǵat 7:00-den 13:00-ge deıin ál-Farabı, Lýganskıı, Chaıkın, Taımanov kóshelerindegi kóppáterli turǵyn úılerge.
Saǵat 19:00-den 24:00-ge deıin Qurmet kóshesiniń ońtústiginde (joǵaryda) ornalasqan tutynýshylarǵa, onyń ishinde «ıÝbıleınyı» shaǵyn aýdany, Kamensk ústirti, Evropolıs turǵyn úı kesheni, Alem qalashyǵy, Almaly turǵyn úı kesheni, Kereı – Jánibek handar kóshesiniń eki jaǵyndaǵy kóppáterli turǵyn úıler.
Saǵat 13:00-den 19:00-ge deıin jáne saǵat 00:00-den 07:00-ge deıin rezervýarlarǵa sý jınaqtalady.
«Sýmen qamtamasyz etýdiń kórsetilgen kestesi tabıǵı qubylystarǵa baılanysty ózgeredi. Bul týraly qosymsha habarlanady. Ýaqytsha qolaısyzdyqtarǵa túsinistikpen qaraýdy, múmkindiginshe sýarýdy shekteýdi jáne sýdy únemdeýdi suraımyz. Turǵyndar úshin jelige beriletin sý kólemin kóbeıtý maqsatynda sýdy kóp tutynatyn nysandarǵa (kólik jýý, monsha) sý berý ýaqytsha toqtatylady. Áleýmettik nysandar táýlik boıy tasymaldanatyn sýmen qamtamasyz etiledi. Ortalyqtandyrylǵan sýmen jabdyqtaý bolmaǵan kezde sý avtotsısternalarmen tasymaldanady», - dep atap ótti «Almaty Sý» MKK