Almatynyń mańynda qýraǵan shóp órtendi

ALMATY. QazAqparat - Almatynyń shet jaǵynda qýraǵan shóp órtendi, dep habarlaıdy QazAqparat tilshisi.

Almatyda Basar qobyz kóshesiniń boıynda órtengen shóptiń vıdeosy jelide tarady.

Almaty qalalyq TJD-nyń málimetinshe, 21 shildede saǵat 15:50-de órt sóndirýshiler Alataý aýdany, Basar qobyz kóshesinniń boıynda órtenip jatqan qýraǵan shópti sóndirdi. Órttiń taralý qaýpi bolmady.

«Ystyq qurǵaq aýa-raıyna baılanysty órt qaýpi ulǵaıýda, sondyqtan qala turǵyndary men qonaqtaryn ashyq otty paıdalanýdan, ot jaǵýdan, temeki shegýden bas tartýdy suraımyz. Aýyr zardaptar týyndaǵan jaǵdaıda kináli adamdar qylmystyq jaýapqa tartylýy múmkin. Avtokólik júrgizýshilerin temeki tuqyldaryn jol boıynda tastamaýǵa shaqyramyz», - dep eskertti Almaty qalalyq tótenshe jaǵdaılar departamenti.