Almatynyń M.Lermontov atyndaǵy memlekettik akademııalyq orys drama teatry Astanaǵa keledi
ASTANA. 24 tamyz. QazAqparat - Almatynyń M.Lermontov atyndaǵy memlekettik akademııalyq orys drama teatry Astana qalasyna gastroldik saparmen keledi. Bul týraly QR Mádenıet mınıstrliginiń baspasóz qyzmetinen habarlady.
Teatrdyń 26-30 tamyz aralyǵynda ótetin gastroli Qazaqstan táýelsizdiginiń 20 jyldyq mereıtoıyna oraılastyrylyp otyr.
5 kún qatarynan almatylyq ártister K.Baıseıitova atyndaǵy Ulttyq opera jáne balet teatrynyń sahnasynda kórermender nazaryna 3 spektakldiń qoıylymyn usynatyn bolady. Olar - Shyńǵys Aıtmatov pen Qaltaı Muhamedjanovtyń «Voshojdenıe na Fýdzııamý», Mark Kamolettıdiń «Pıjama na shesteryh» jáne Rýstam Ibragımbekovtyń «Işý partnera dlıa nechastyh vstrech» spektaklderi.
Teatr ujymy gastroldik saparyn keıin Qaraǵandy oblysynda jalǵastyrmaq.
